Dy programe të Fakultetit të Filologjisë, BA Gjuhë Shqipe dhe MA Gjuhë dhe Letërsi Frënge, janë vlerësuar të enjten nga ana e ekspertëve ndërkombëtarë, në kuadër të procesit të riakreditimit të tyre. Ekspertët e përzgjedhur nga Agjencia Kosovare e Akreditimit kanë realizuar takimet virtuale me menaxhmentin e fakultetit, bartësit e programeve, stafin, studentët, të diplomuarit dhe përfaqësuesit e tregut të punës. Vlerësimi për programet ka kaluar në frymën e diskutimeve rreth ngritjes së cilësisë dhe sfidave të mësimdhënies dhe mësimnxënies.

Gjatë muajit mars dhe prill do të zhvillohen proceset e vlerësimit nga ekspertët ndërkombëtarë edhe për tetë programe të tjera të Fakultetit të Filologjisë