Universiteti i Prishtinës

Gjuhë dhe Letërsi Gjermane

Departamenti i Gjuhës dhe Letërsisë Gjermane është një institucion me një përvojë të gjatë dhe të pasur akademike, i cili vepron që nga viti 1992/1993. Ky departament, që nga themelimi, ka qenë i përkushtuar në ngritjen e cilësisë në procesin mësimdhënës dhe atë mësimnxënës, duke ofruar një bazë të fortë akademike dhe infrastrukturore.

Departamenti posedon një staf të kualifikuar dhe të pajisur me grada shkencore e akademike, të cilët janë ekspertë në fushat përkatëse. Profesorët dhe mësimdhënësit e departamentit kanë fituar kualifikimet e tyre në institucione prestigjioze në Austri, Gjermani, Kosovë dhe Shqipëri. Të gjithë profesorët mbajnë titullin shkencor "Doktor i Shkencave Filologjike". Ai gjithashtu disponon me infrastrukturë dhe pajisje të mjaftueshme për t’i shërbyer si stafit akademik, ashtu edhe studentëve.

Sot, departamenti përbëhet nga tetë profesorë, një asistente, dy lektorë (lektor i DAAD-së dhe lektore e OEAD-së) si dhe një bashkëpunëtore të jashtme, të cilët mbulojnë fusha të ndryshme të kërkimeve gjuhësore dhe letrare.
Departamenti i Gjuhës dhe Letërsisë Gjermane është një ndër departamentet më të mëdha të Fakultetit të Filologjisë me mbi 350 studentë që ndjekin studimet.

Programet e studimeve të gjermanistikës mbulojnë një gamë të gjerë temash. Studimi i Gjuhës dhe Letërsisë Gjermane zhvillon kompetencat gjuhësore, komunikimin ndërkulturor dhe edukimin letrar-kulturor, duke përfaqësuar një shtyllë të rëndësishme të shkencave humane.

Programet BA, Master “Gjermanishtja si gjuhë e huaj” dhe “Gjuhë dhe Letërsi Gjermane” janë hartuar nisur nga nevojat e tregut të punës në Kosovë. Këto përgatitin studentët për karriera në mësimdhënie, përkthim, media, menaxhim kulturor, shkencë dhe organizata ndërkombëtare, duke zhvilluar aftësi për të menduar në mënyrë analitike, për të interpretuar tekste, për të zotëruar gjuhën dhe për të komunikuar. Studentët poashtu përgatiten që të vazhdojnë studimet e tyre në ciklin e mëtejmë, studimet e doktoratës, që natyrisht nënkupton mundësi më të hapura në tregun e punës. Punësueshmëria e të diplomuarve nga ky departament është në shkallën 100 %.

Aktivitete jashtë mësimore organizohen nga mësimdhënësit e departamentit në bashkëpunim me universitete në Gjermani, Austri, Zvicër, DAAD, OEAD dhe Institutin Goethe në Prishtinë. Përveç kësaj, organizohen aktivitete të tilla si “Ditët e Gjuhës Gjermane” çdo vit me iniciimin e ambasadave të vendeve gjermanofone.

Mobiliteti i studentëve dhe stafit mundësohet përmes marrëveshjeve të shumta ERASMUS+ përmes UP dhe universiteteve në Gjermani, Austri dhe shtete të tjera evropiane, si dhe përmes bursave që ofrohen nga DAAD dhe OEAD për kurse verore universitare për studentë, studime MA dhe PhD.

Shefe e Departamentit të Gjuhës dhe Letërsisë Gjermane:

Prof. asoc. Blertë Ismajli,

email: [email protected].

Sekretarja e Departamentit të Gjuhës dhe Letërsisë Gjermane

Asst. Arbnora Bajraktari,

email: [email protected]

Këta janë mësimdhënësit e Departamentit të Gjuhës dhe Letërsisë Gjermane:

Prof. asoc. Teuta Abrashi

Prof. asoc. Blertë Ismajli

Prof. asoc. Vjosa Hamiti

Prof. Milote Sadiku

Prof. asoc. Sadije Rexhepi

Prof. asoc. Albulena Blakaj Gashi

Prof. Naser Mrasori

Prof. Naim Kryeziu CV

MA. Arbnora Bajraktari

MA. Agnesa Haklaj

MA. Adrian Ramabaja

MA. Isabella Zborka

Departamenti ka zhvilluar bashkëpunime të shumta me institucione kërkimore, shkencore dhe akademike në fushën e gjermanistikës.

Departamenti i Gjermanistikës është njëherit ndër themeluesit e shoqatës SOEGV (Südosteuropäischer Germanistenverband). Kjo shoqatë me ndihmën financiare të DAAD-së organizon konferenca shkencore. Stafi akademik është poashtu anëtar i shoqatave të ndryshme në vendet gjermanishtfolëse, si MGV, EUROPHRAS etj.

Departamenti i Gjuhës dhe Letërsisë Gjermane si pjesë e Fakultetit të Filologjisë është pjesëmarrës aktiv në projektet shkencore në fushë të gjuhësisë, letërsisë dhe të përkthimit në kuadër të këtij Fakulteti. Përmes publikimeve të ndryshme shkencore dhe pjesëmarrjes aktive në konferenca, sesione, simpoziume ndërkombëtare, pjesëtarët e stafit akademik dëshmojnë rezultatet e aktivitetit të tyre hulumtues në fushën e tyre të mësimdhënies (shih CV-të e stafit).

Në vazhdim mund të gjeni disa nga projektet e fundit kërkimore në të cilat është i përfshirë personeli i departamentit të Gjuhës dhe Letërsisë Gjermane.

Projektet

Bachelor

Master

Postimet e fundit