“Është e vërtetë që askush nuk kthehet i njëjtë pas eksperiencës Erasmus+, por unë do të thoja edhe më shumë se kaq, para kësaj përvoje duket sikur nuk ke jetuar vërtet.”

Në këtë video, studentja jonë Blerta Salihu ndan rrugëtimin e saj në Palermo, ku çdo ditë ka qenë një mundësi për të mësuar, për t’u zhvilluar dhe për të njohur kultura të reja. Përveç përfitimeve akademike, ajo thekson se kjo përvojë i ka forcuar pavarësinë, i ka zgjeruar horizontet dhe i ka ndryshuar mënyrën se si e sheh botën.

Si studente e Letërsisë Shqipe, jetesa pranë komunitetit arbëresh i ka dhënë një dimension edhe më të veçantë këtij mobiliteti, duke e bërë të reflektojë mbi forcën e identitetit dhe trashëgimisë sonë kulturore.

🎥 Ndiqni videon dhe zbuloni se si Erasmus+ mund të shndërrohet në një nga përvojat më të vlefshme të jetës: Kliko këtu