NORMAT E KALUESHMËRISË SË PROGRAMIT
 

Si të gjitha njësitë akademike të universitetit, ashtu edhe ky program aplikon sistemin e mëposhtëm të vlerësimit të suksesit të studentëve:

10 (shkëlqyeshëm): 90-100

9 (shkëlqyeshëm): 80-89

8 (shumë mirë): 70-79

7 (mirë): 60-69

6 (mjaftueshëm): 50-59

5 (pamjaftueshëm): 0-49

Për ta kaluar lëndën, studenti duhet të arrijë të paktën 50% të totalit të pikëve, gjë që i mundëson të marrë notën 6 (mjaftueshëm) si nivel minimal të kalueshmërisë.
 

PERSPEKTIVAT E PUNËSIMIT TË TË DIPLOMUARVE

Programi BA i Gjuhës dhe Letërsisë Turke është hartuar duke u mbështetur në nevojat e tregut të punës në Kosovë dhe synon përgatitjen e profesionistëve të kualifikuar në fushën e gjuhës, letërsisë dhe kulturës turke. Si njësi bazë mësimore-kërkimore, Departamenti zhvillon dhe bashkërendon mësimdhënien dhe kërkimin shkencor, duke ofruar një formim të plotë akademik dhe profesional.

Të diplomuarit e këtij programi kanë mundësi punësimi në sektorë të ndryshëm, duke përfshirë:

• arsimin publik dhe privat, si mësimdhënës të gjuhës turke në nivele të ndryshme;
   

• institucionet e arsimit të lartë dhe qendrat gjuhësore;
   

• përkthimin dhe interpretimin;
   

• administratën publike dhe sektorin institucional;
   

• organizata dhe institucione që kërkojnë kompetenca në gjuhën dhe kulturën turke.
   

Programi përfshin lëndë të metodikës dhe didaktikës së gjuhës turke si gjuhë amtare dhe e huaj, duke siguruar kompetenca pedagogjike, gjuhësore dhe profesionale. Një pjesë e konsiderueshme e të diplomuarve punësohen në institucione arsimore, universitete, shkolla publike e private dhe kurse të gjuhës turke, duke dëshmuar relevancën dhe aplikueshmërinë e programit në tregun e punës.